နိဒါန်း

1 ယုဒလူတို့တွင် အရာရှိဖြစ်သော နိကောဒင်အမည်ရှိသော ဖာရိရှဲတယောက်သည်၊

2 ညဉ့်အခါ ယေရှုထံတော်သို့လာ၍၊ အရှင်ဘုရား၊ ကိုယ်တော်သည်ပြတော်မူသော ဤနိမိတ်

လက္ခဏာတို့ကို ဘုရားသခင်၏အခွင့်မရှိလျှင် အဘယ်သူမျှ မပြနိုင်သည်ကို အကျွန်ုပ်တို့သည်ထောက်၍၊

ကိုယ်တော်သည် ဘုရားသခင်အထံတော်မှ ကြွလာတော်မူသောဆရာဖြစ်ကြောင်းကို သိကြပါ၏ဟု လျှောက်သော်၊ ယောဟန် ၃း၁-၂

၁။ နိကောဒင်အမည်ရှိသော ဖာရိရှဲ

က) ဘာသာရေး ခေါင်းဆောင်တစ်ယောက်

ခ) လေ့လာဆည်းပူးနေသူတစ်ယောက်

၂။ သူ၏ ရှာဖွေမေးခွန်းခြင်း

က) သခင်ယေရှုဘုရားကို ပိုမိုသိကျွမ်းဖို့

ခ) သူနှင့် သီးသန်း အချိန်ယူစကားပြောဖို့

 

သခင်ယေရှုဘုရား အရေးကြီးသော သွန်သင်ချက်

3 ယေရှုက၊ ဒုတိယမွေးခြင်းကို မခံသောသူမည်သည်ကား၊ ဘုရားသခင်၏နိုင်ငံတော်ကို မမြင်ရဟု ငါ အမှန်အကန်ဆိုသည်ဟု ပြန်၍မိန့်တော်မူ၏။

4 နိကောဒင်ကလည်း၊ အသက်ကြီးသောသူသည် မွေးခြင်းကိုအဘယ်သို့ခံနိုင်ပါမည်နည်း။

အမိဝမ်းထဲသို့ တဖန်ဝင်၍မွေးခြင်းကို ခံနိုင်ပါမည်လောဟု လျှောက်၏။

5 ယေရှုကလည်း၊ ရေနှင့်ဝိညာဉ်တော် မမွေးသောသူမည်သည်ကား၊ ဘုရားသခင်၏နိုင်ငံတော်သို့ မဝင်ရဟု ငါအမှန်အကန်ဆို၏။

6 ဇာတိပကတိမွေးသောအရာသည် ဇာတိပကတိဖြစ်၏ ဝိညာဉ်တော်မွေးသောအရာသည် ဝိညာဉ် ဖြစ်၏။

7 ဒုတိယမွေးခြင်းကို ခံရမည်ဟု ငါဟောပြောသည်ကို အံ့ဩခြင်းမရှိနှင့်။

8 လေသည် အလိုရှိတိုင်းသွားလာ၏။ လေ၏အသံကို သင်သည်ကြားရသော်လည်း အဘယ်အရပ်က ဖြစ်သည်၊

အဘယ်အရပ်သို့သွားသည်ကိုမသိနိုင်။ ထိုနည်းတူ ဝိညာဉ်တော်မွေးသောသူဖြစ်သည်ဟု မိန့် တော်မူ၏။ ယောဟန် ၃း၃-၈

၁။ ဘုရားသခင်၏ နိုင်ငံတော်အကြောင်း ခံယူချက်

က) အလိုအလျောက် ဝင်၍မရပါ။

ခ) ဒုတိယမွေးဖွားခြင်း လိုသည်။

၂။ ဒုတိယမွေးဖွားခြင်းအကြောင်း ခံယူချက်

က) ဇာတိပကတိမွေးဖွားခြင်း မဟုတ်။

ခ) သန့်ရှင်းသော ဝိညာဉ်တော်အားဖြင့် မွေးဖွားသောသူ။

ဂ) မမြင်နိုင်သော်လည်း ဘုရားသခင့်ဝိညာဉ်တော်၏ အရေးကြီးသော လုပ်ဆောင်မှုဖြစ်သည်။

 

ဤခံယူချက်ကို သဘောပေါက်ခြင်း၌ ပြဿနာ

9 နိကောဒင်ကလည်း၊ ဤအမူအရာသည် အဘယ်သို့ဖြစ်နိုင်ပါမည်နည်းဟု လျှောက်ပြန်လျှင်၊

10 တဖန်ယေရှုက၊ သင်သည် ဣသရေလလူတို့တွင် ဓမ္မဆရာဖြစ်လျက်ပင် ဤအမူအရာကို မသိ သလော။

11 ငါအမှန်အကန်ဆိုသည်ကား၊ ငါတို့သည် ကိုယ်သိသောအရာကိုပြော၏၊ ကိုယ်မြင်သောအရာကို သက်သေခံ၏။

သို့သော်လည်း ငါတို့၏ သက်သေခံချက်ကို သင်တို့သည် မခံမယူကြ။

12 မြေကြီးအရာကို ငါပြော၍ သင်တို့သည် မယုံလျှင်၊ ကောင်းကင်အရာကို ငါပြောသောအခါ အဘယ် သို့ ယုံကြလိမ့်မည်နည်း။

13 ကောင်းကင်ဘုံကဆင်းသက်၍ ကောင်းကင်ဘုံ၌ရှိနေသော လူသားမှတပါးအဘယ်သူမျှ ကောင်းကင် ဘုံသို့ မတက်ပြီ။

14 မောရှေသည်တော၌ မြွေကို မြှောက်ထားသကဲ့သို့ လူသားသည် မြှောက်ထားခြင်းကို ခံရမည်။

15 အကြောင်းမူကား၊ ထိုသားတော်ကို ယုံကြည်သောသူအပေါင်းတို့သည် ပျက်စီးခြင်းသို့မရောက်၊ ထာဝရအသက်ကိုရမည်အကြောင်းတည်း။

16 ဘုရားသခင်၏သားတော်ကို ယုံကြည်သောသူအပေါင်းတို့သည်၊ ပျက်စီးခြင်းသို့မရောက်၊ ထာဝရ အသက်ကို ရစေခြင်းငှါ၊

ဘုရားသခင်သည် မိမိ၌ တပါးတည်းသော သားတော်ကို စွန့်တော်မူ သည်တိုင်အောင် လောကီသားကို ချစ်တော်မူ၏။

17 လောကီသားတို့အားအပြစ်စီရင်ခြင်းငှါ၊ ဘုရားသခင်သည်သားတော်ကို ဤလောကသို့ စေလွှတ်တော် မူသည်မဟုတ်။

လောကီသားတို့သည် ကိုယ်တော်အားဖြင့် ကယ်တင်ခြင်းသို့ရောက်မည်အကြောင်း စေလွှတ် တော်မူ၏။ ယောဟန် ၃း၉-၁၇

၁။ ဤဝိညာဉ်သဘောတရားသည် လွယ်လွယ်ကူကူ နားမလည်နိုင်ပါ။

နိကောဒင်ကဲ့သို့ ဘာသာရေးဓမ္မဆရာတစ်ယောက်ဖြစ်လျှင်တောင်မှ

၂။ သို့သော် ၎င်းသည် အရေးကြီးသော သွန်သင်ချက်ဖြစ်သည်။

က) လောကနှင့်ဆိုင်သော သင်ခန်းစာများစွာရှိသည်။

ခ) ကောင်းကင်နှင့်ဆိုင်သော ဝိညာဉ်ရေးရာ သင်ခန်းစာလည်း များစွာရှိသည်။

၃။ သခင်ယေရှုဘုရား

က) သူသည် ကောင်းကင်မှ ဆင်းသက်သည်။

ခ) သူသည် တနေ့၌ လက်ဝါးကားတိုင်ပေါ်မှာ မြှောက်ထားခြင်း ခံရမည်။

ဂ) သူ့ကို ယုံကြည်သူသောသူအပေါင်းတို့သည် ထာဝရအသက်ကို ရမည်။

၄။ ဘုရားသခင် ချစ်ခြင်းမေတ္တာ

က) ဘုရားသခင်သည် လောကီသားတို့ို အပြစ်မစီရင်လိုပါ။

ခ) သူသည် လောကီသားတို့ကို ကယ်တင်လိုသည်။

ဂ) သူသည် လူသားတို့ကို ချစ်သည်။

ဃ) သခင်ယေရှုကို ယုံကြည်သောသူအပေါင်းတို့အား ထာဝရအသက်ပေးချင်သည်။

 

တစ်ချို့သောသူများ အဘယ့်ကြောင်း မယုံကြည်ကြမည်နည်း။

18 သားတော်ကိုယုံကြည်သောသူသည် အပြစ်စီရင်ခြင်းကို မခံရ။ မယုံကြည်သောသူမူကား၊

ဘုရား သခင်၌ တပါးတည်းသောသားတော်ကို မယုံကြည်သောကြောင့် ယခုပင်အပြစ်စီရင်ခြင်းကိုခံရ၏။

19 အပြစ်စီရင်ခြင်းကို ခံရကြောင်းကား၊ အလင်းသည် ဤလောကသို့ဝင်၍၊

လူတို့သည် မကောင်းသော အကျင့်ကို ကျင့်သောကြောင့်၊ အလင်းထက် မှောင်မိုက်ကိုသာ၍နှစ်သက်ကြ၏။

20 ဆိုးယုတ်သောအကျင့်ကို ကျင့်သောသူအပေါင်းတို့သည် အလင်းကိုမြင်ပျင်း၍ မိမိတို့ အကျင့်၌ အပြစ်ပါမည်ကိုမထင်ရှားစေခြင်းငှါ အလင်းသို့ မချဉ်းကပ်ကြ။

21 သမ္မာတရားကို ကျင့်သောသူမူကား၊ မိမိအကျင့်တို့သည် ဘုရားသခင်၏အလိုတော်နှင့်ညီသည်ကို

ထင်ရှားစေခြင်းငှါ အလင်းသို့ချဉ်းကပ်သည်ဟု ဟောတော်မူ၏။ ယောဟန် ၃း၁၈-၂၁

၁။ တစ်ချို့သောသူတို့သည် သခင်ယေရှုကို ယုံကြည်ကြမည်မဟုတ်။

၂။ သူတို့သည် သခင်ကမ်းလှမ်းထားသည့် အလင်းကို ငြင်းပယ်ကြလိမ့်မည်။

၃။ အကြောင်းရင်းများမှာ

က) သူတု့ိသည် မကောင်းသောအကျင့်ကို ကျင့်ကြသည်။

ခ) သူတို့သည် အလင်းသို့ ချဉ်းကပ်ကြမည် မဟုတ်။

ဂ) သူတို့၏ မကောင်းသောအကျင့်တို့ကို မထင်ရှားစေလို။

 

နိဂုံး

၁။ သခင်ယေရှုကို ကယ်တင်ရှင်အဖြစ် လက်ခံယုံကြည်ရန်။

၂။ သန့်ရှင်းသော ဝိညာဉ်တော်အားဖြင့် အသစ်တစ်ဖန် မွေးဖွားကြရန်

၃။ ထာဝရအသက် ရရှိပိုင်ဆိုင်ရန်။

၄။ ဧဝံဂေလိသတင်းကောင်းနှင့် ဘုရားသခင်၏ ချစ်ခြင်းမေတ္တာတို့၌ ဘုန်းထင်ရှားကြရန်။