စိတ်ရှည်သည်းခံခြင်း ပုံသက်သေ

ညီအစ်ကိုတို့၊ စစ်ကြောစီရင်ခြင်းနှင့်ကင်းလွတ်မည်
အကြောင်း၊ အချင်းချင်းငြင်းခုံပြစ်တင်ခြင်းကို မပြု
ကြနှင့်။ တရားစီရင်ပိုင်သောသူသည် တံခါးနားမှာရှိ တော်မူ၏။
ငါ့ညီအစ်ကိုတို့၊ ထာဝရဘုရား၏ နာမတော်
ကို အမှီပြု၍ ဟောပြောသော ပုရောဖက်တို့သည်
ဆင်းရဲဒုက္ခတွေ့ခြင်၊ သည်းခံခြင်း ပုံသက်သေကို ပြကြပြီဟု မှတ်ကြလော့။ (ယာကုပ် ၅း၉-၁၀)

ညီအစ်ကိုတို့၊ စစ်ကြောစီရင်ခြင်းနှင့် ကင်းလွတ်မည်အကြောင်း…
၁။ စစ်ကြောစီရင်ခြင်း (ဂရိ-krino) သည် –

က။ ကလဲ့စားချေပြစ်တင်သည်၊
ခ။ ပြစ်တင်ရှုတ်ချသည်၊
ဂ။ ပြစ်ဒဏ်ချမှတ်သည် စသည်တို့ဖြစ်သည်။

၂။ ဤ စစ်ကြောစီရင်ခြင်းသည် –

က။ ယုံကြည်သူတို့ စီရင်အပ်သာအရာ မဟုတ်။ (ယာကုပ် ၄း၁၁)
ခ။ ဘုရားသခင်တပါးတည်းသည်သာ တရားသူကြီးဖြစ်သည်။ (ယာကုပ် ၄း၁၂)
ဂ။ သခင်ခရစ်တော်က တရားသူကြီးအဖြစ် စီရင်မည့်အမှု ဖြစ်သည်။
သူသည် မကြာခင် ကြွလာတော့မည် ဖြစ်သည်။ (ယာကုပ် ၅း၈-၉)

– တရားစီရင်ပိုင်သောသူသည် ခရစ်တော်ဖြစ်သည်။
– တံခါးနားမှာ ရှိတော်မူသည် ဟုဆိုရာ၌ မကြာမီ ပြန်ကြွလာမည်ကို ဖော်ပြခြင်း ဖြစ်သည်။

၃။ အထက်ပါ စစ်ကြောစီရင်ခြင်းနှင့် ကင်းလွတ်မည့်အကြောင်း –

က။ အချင်းချင်းပြစ်တင်ရှုတ်ချခြင်း မပြုကြရန် ဖြစ်သည်။
ခ။ အချင်းချင်းငြင်းခုံခြင်း မပြုကြရန် ဖြစ်သည်။ (ဖိလိ ၂း၁၄)

၄။ ထို့ကြောင့်၊ ယုံကြည်သူတို့သည် စိတ်ရှည်သည်းခံလျက် နေရမည်။
အခက်ခဲများကို ကြံ့ကြံ့ခံ ရင်ဆိုင်နိုင်ရမည်။ တစ်ယောက်ကိုတစ်ယောက် ပြစ်တင်ရှုတ်ချခြင်း၊ ငြင်းခုံခြင်း စသည်တို့ မရှိဘဲ တရားစီရင်ပိုင်သော သခင်ခရစ်တော်ကြွလာသည့်တိုင်အောင် မျှော်လင့်စောင့်စားနေနိုင်ရမည်။

ပရောဖက်တို့၏ ပုံသက်သေ
၁။ ပရောဖက်တို့သည် –

က။ ဘုရားသခင်ကို ကိုးစားသောသူများ၊
ခ။ ဘုရားသခင်၏နာမတော်ကို အမှီပြုသောသူများ၊
ဂ။ ဘုရားသခင်စေခိုင်းသည့်အတိုင်း ဟောပြာသက်သေခံသောသူများ၊ ဖြစ်ကြသည်။

၂။ ပရောဖက်တို့သည် –

က။ ဆင်းရဲဒုက္ခများစွာ ရင်ဆိုင်ရသည်။
ခ။ စိတ်ရှည်သည်းခံလျက် ဘုရားသခင်ကို ကိုးစားနေရသည်။
ဂ။ “ရှင်ဘုရင်၊ မင်းသား၊ ယဇ်ပုရောဟိတ်၊ ပြည်သူပြည်သား တည်းဟူသော တစ်နိုင်ငံလုံး” ကိုဆန့်ကျင်၍ ဘုရားခိုင်းသည့်အမှုတို့ကို ဆောင်ရွက်ရသည်။ (ယေရမိ ၁း၁၈)

၃။ ပရောဖက်တို့၏ ဆင်းရဲဒုက္ခခံခြင်းနှင့် သည်းခံခြင်းသည် အကျွန်ုပ်တို့
အတွက် –

က။ ပုံသက်သေ (ဂရိ-hupodeigma) ဖြစ်သည်။
ခ။ စံပြပုံစံ ဖြစ်သည်။
ဂ။ အတုယူရမည့် အသက်တာပုံသက်သေ ဖြစ်သည်။

၄။ စိတ်ရှည်သည်းခံခြင်းအမှုနှင့် စပ်လျဉ်း၍ ပရောဖက်တို့၏ ဆင်းရဲဒုက္ခံခြင်းနှင့် သည်းခံခြင်းသည် ကောင်းသောပုံသက်သေ ဖြစ်သည်။ ထိုများစွာသော ပုံသက်သေတို့ကို အတုယူ၍ စိတ်ရှည်သည်းခံနေခြင်းသည် ယုံကြည်ခြင်း၌ ကြွယ်ဝချမ်းသာရာလမ်း ဖြစ်သည်။