စိတ်အလိုသို့ လိုက်သော အပြစ်

သင်တို့သည် မြေကြီးပေါ်မှာ ကာမဂုဏ်ခံစား၍၊ အလွန်
ပျော်မွေ့ကြပြီ။ သတ်ရသောနေ့၌ ကဲ့သို့၊ မိမိတို့နှလုံးကို မွေးမြူကြပြီ။ ဖြောင့်မတ်သောသူကို အပြစ်စီရင်၍ ကွပ်မျက်ကြပြီ။ သူသည်လည်း သင်တို့ကို မဆီးတား။
(ယာကုပ် ၅း၅-၆)

သင်တို့သည် မြေကြီးပေါ်မှာ…

၁။ လက်ရှိအသက်ရှင်နေချိန်သည် –

က။ မြေကြီးပေါ်မှာ ဖြစ်သည်။
ခ။ လေက၌ ဖြစ်နေသည်။

၂။ ယခုအချိန်အခါ၌ အချို့သောသူတို့သည် –

က။ ကာမဂုဏ်ခံစားကြသည်။
ခ။ အလွန်ပျော်မွေ့ကြသည်။

၃။ ကာမဂုဏ်ခံစား (ဂရိ- truphao) သည် –

က။ ဇိမ်ခံသည်၊
ခ။ အပျော်အပါးစံစားသည် စသည်တို့ဖြစ်သည်။

၄။ အလွန်ပျော်မွေ့ (ဂရိ-spatalao) သည် –

က။ အစားအသောက် လွန်ကြူးသည်၊
ခ။ အပျော်အပါးလိုက်စားသည် စသည်တို့ဖြစ်သည်။

၅။ အထက်ပါ စကားလုံးများသည် အချို့သောသူတို့ အပျော်အပါးကို အကုန်အစင်လိုက်စား၍ အသက်ရှင်နေကြသည်ကို ပေါ်လွင်စေသည်။

သတ်ရသောနေ့၌ ကဲ့သို့…

၁။ သူတို့သည် အပျော်အပါးကို လိုက်စားရုံသာမက သားကောင်များသတ်ပြီး ပွဲလုပ်သောနေ့များကဲ့သု့ိ မိမိတို့၏နှလုံးကိုလည်း ဝဖြိုးစေကြသည်။

၂။ မွေးမြူ (ဂရိ-trepho) သည် –

က။ မွေးမြူသည်၊
ခ။ ဗီတာမင်ကျွေးသည်၊
ဂ။ အလိုလိုက်၍ ဝဖြိုးစေသည် စသည်တို့ဖြစ်သည်။

၃။ သူတို့သည် စိတ်နှလုံး၏ အလိုကို လိုက်ပေးခြင်းဖြင့် မိမိတို့၏ နှလုံးကို
မွေးမြူနေကြသည်။
၄။ ထို့ကြောင့် သူတို့၏ နှလုံးသည်လည်း ဆူဖြိုးလျက် ရှိသည်။

ဖြောင့်မတ်သောသူကို အပြစ်စီရင်၍…

၁။ အချို့သောသူတို့သည်

က။ အပျော်အပါးကို အလွန်အကျွံ လိုက်စားကြသည်။
ခ။ စိတ်၏အလိုကို လိုက်လျောပေးခြင်းဖြင့် မိမိတို့၏ နှလုံးကို ဆူဖြိူးစေကြသည်။
ဂ။ ဖြောင့်မတ်သောသူကို အပြစ်စီရင်၍ ကွပ်မျက်ကြသည်။

၂။ အပြစ်စီရင်၍ ကွပ်မျက်ခြင်း –

က။ ဖြောင့်မတ်သောသူကို အပြစ်ရှိသည်ဟု ပြစ်ဒဏ်ချမှတ်ကြသည်။
ခ။ ဖြောင့်မတ်သောသူကို သတ်ပစ်ကြသည်။

၃။ ထိုသို့ပြုခြင်းအမှုကို ဖြောင့်မတ်သောသူသည် –

က။ မဆီးတား။
ခ။ မခုခံ။
ဂ။ ပြန်၍ ကလဲ့စားမချေ။

၄။ ဤအချက်နှင့်စပ်လျဉ်း၍ သခင်ယေရှု၏ အသက်တာပုံသက်သေသည် အောက်မေ့ဖွယ် ဖြစ်သည်။ (၁ ပေ ၂း၂၂-၂၃)